مجرد سؤال!
هو حكومة النهضة
الإخوانية الحلزونية اللي رفعت سعر الكهرباء من ورانا، وعايزة تقفل المحلات بدري
عشان تخفف أحمال الكهرباء رغم ان ده هايزود نسب البطالة، يا ترى مش من باب أولى
تطفي أنوار العواميد اللي سايبينها منورة الصبح!؟
الصور دي النهارد
الصبح (الأحد 18/11/2012 في منطقتي الهرم والدقي)
يا جماعة حد
ينادي على قنديل ويقوله طفي النور يا إتش وشد الكوبس، وكفاية نور السكسوكة!!!
وبعدين هو النظام
الجديد اللي عشان يحسن أحوالي عايز يمد إيده في جيبي وياخد كهرباء زيادة وغاز
زيادة وبنزين زيادة، وهايقفل المحلات بدري، ويسيب عيالنا تموت في القطارات؟ يا ترى
هل ده كان في برنامج مرسي بتاع مشروع النهضة؟ والا برنامج الـ 100 يوم اللي طلع
الفنكوش، ويا ترى أنا كمواطن لما تغلي عليا كل السلع الأساسية دي عشان بتقول انك هاتحسن
أوضاعي المعيشية، هاصدقك؟ هاحترمك؟ والا هاتخليني أحن لأيام مبارك؟
بس السؤال اللي
هايجنني: هو طائر النهضة بيبيض والا بيولد، والا قاطع الخلف؟؟
أبو كريم
ليست هناك تعليقات:
إرسال تعليق